San Román ye una parroquia del conceyu asturianu de Candamu, que s'asitia na zona central del mesmu ya tien parte de los sos 4,81 km² d'estensión a la vera izquierda del ríu Nalón y otra parte, la mayor, a la vera derecha. Abarca l'aldea de Ferreras, na oriella izquierda del ríu, y los llugares de Las Parrucas y San Román na derecha; ente los tres nucleos axunten 276 habitantes (2024). Nel so territoriu alcuéntrase la cueva prehistórica de La Peña, descubierta nel 1914 y declarada Monumentu Nacional nel 1923.